| 06 / 11 / 2006 ......6 : 55 p.m. ............Monday 今日下晝決定咗，用Xanga嚟打日記 lu  ，Xanga多啲人用，俾迫轉過嚟。我Yahoo!個Blog唔用架喇，大家唔好去果度喇(不過你去重溫一吓都冇乜所謂o既......  )﹗我唔係好識用架，大家要教教我喔  ﹗Thank you﹗ 朝早，好晏先返。呢排唔想早起身，日日都成七點半先起身......唉~體質差，都係要再開始日日跑吓步喇。早會，升國旗。仲以為升完有大把嘢宣佈，又或者頒獎，點知冇喎  ？﹗o 咀囉...... 第一堂英文，SBA，係度 hea ，班友都唔係做 discussion 。Then A.maths，全班得我一個交功課  ，真無奈﹗派小測，先得 95 分咋  ，比我預期低咁啲囉......講咗成堂卷，跟住果堂教書，唔難吖  。第四堂，C.I.T.，好悶呀......  救命﹗﹗跟住今日有特別安排，上完第四堂直上第五堂先有小息，哈哈﹗Chem，啲酒o既味，好嘔心，得支葡萄酒係有酒香......小息後又係Chem，擺哂啲嘢出嚟以為有實驗睇，點知......又係聽成堂書 ﹗﹗ Lunch，食完飯返嚟，玩"mould"，有盒蠔油，上面有塊類似"發咗毛"o既物體，好核突，仲要new佢出嚟睇............  (隔夜飯都嘔埋出嚟......好彩食咗飯姐) Last Phy，好眼訓，但唔想訓，再訓我Phy就係咁先架喇﹗ 放咗學之後，返屋企做bio，聽日交，今日先知......靠﹗ |
| |
